«Ֆաջր» թատերական փառատօնում Հայաստանի ներկայացումը բեմադրւելու է «Նայիրի» սրահում

«Ֆաջր» թատրոնի 28-րդ միջազգային փառատօնը այս տարի իր աշխատանքը սկսեց յունւարի 22-ից: Յիշեալ փառատօնին իրանական թատերական խմբերից բացի՝ մասնակցել են տարբեր երկրների, ինչպէս՝ Հայաստանի թատերական խմբեր: Հայաստանից «Գոյներ» ներկայացումը կատարում է «Միհր» թատրոնի դերասանուհի Շողակաթ Մլքէ-Գալստեանը: Դերասանուհին «Ալիք»-ի խմբագրատուն այցելեց Իրանում «Հայ ֆեստ»-ի ներկայացուցիչ արւեստագէտ Ալբերտ Բեգիջանեանի հետ: Շողակաթ Մլքէ-Գալստեանը «Միհր» թատրոնի հիմնադիրներից է եւ Իրանում է՝ որպէս «Հայֆեստ» փառատօնի միջազգային բաժնի ղեկավար: Նա «Ֆաջր» փառատօնում ներկայացրած «Գոյներ» գործի մասին ասաց, որ դա միաձուլւած է նկարչութեամբ եւ շարժումով: Նշելի է, որ «Գոյներ» ներկայացումը նա հայ հանդիսատեսին ներկայացնելու է նաեւ շաբաթ, յունւարի 30-ի երեկոյեան, Հ. Մ. «Սիփան» միութեան «Նայիրի» սրահում: