Գլխաւոր էջ | Համայնքի Լուրեր | «Հայ Դատն այսօր» 7-րդ խորհրդաժողովը վաղը կը սկսի իր աշխատանքները

«Հայ Դատն այսօր» 7-րդ խորհրդաժողովը վաղը կը սկսի իր աշխատանքները

26 January, 2010 08:42:00 «Ալիք»

ՏԱՌԱՉԱՓ:

Այս տարի եւս խորհրդաժողովի առաջին օրը որպէս զեկուցաբերներ՝ հրաւիրել ենք պարսիկ քաղաքական փորձագէտ-մասնագէտների՝ ծանօթանալու հարցի վերաբերեալ

«2009 թւականի ողջ ընթացքում հայ-թուրքական արձանագրութիւնների թէժ թեման օրակարգի վրայ էր, եւ մենք որպէս սփիւռքահայեր, որ հետեւանքն ենք Թուրքիայի վարած դարաւոր հակահայ քաղաքականութեան, չենք կարող այսօր անտարբեր մնալ, իսկ պետութիւնների միջեւ ծագած երկկողմանի կամ եռակողմ հարցերը հնարաւոր է լուծել միայն քաղաքական մասնագէտ-փորձագէտների փորձի կիրառմամբ՝ միաժամանակ հարցերը բազմաշերտ կողմերից քննարկելով, այս դէպքում՝ կենտրոնանալով հայ ժողովրդի ընդհանուր պահանջների եւ արդար իրաւունքների ամբողջութեան վրայ: Նոյնն է պարագան նաեւ Արցախի հիմնախնդրի համատեքստում». իր խօսքում կարեւորութեամբ շեշտելով այս հիմնահարցը՝ «ՀՈՒՍԿ» հաստատութեան տնօրէն Վարուժ Յովհաննիսեանն ընդգծեց նաեւ, որ «Հայ Դատն այսօր» սեմինարը ծառայում է վերը նշւած հիմնախնդիրների քննարկմանը: Անդրադառնալով վաղը՝ յունւարի 28-ին եւ ուրբաթ, յունւարի 29-ին «ՀՈՒՍԿ» հաստատութեան նախաձեռնութեամբ կայանալիք «Հայ Դատն այսօր» 7-րդ խորհրդաժողովին՝ պրն. Յովհաննիսեանը նշեց. «21-րդ դարում աշխարհը բազմապիսի մարտահրաւէրներ է դիմագրաւում եւ այդ կոնտեքստում ջանում է գտնել ելքեր, եւ Հայաստանը՝ որպէս նորանկախ պետութիւն՝ ելնելով իր աշխարհաքաղաքական դիրքից՝ շրջապատւած միջազգային խնդրայարոյց քաղաքական եւ տնտեսական հարցերով, պէտք է ելքեր գտնի իր անկախ պետականութիւնը պահպանելու եւ հզօրացնելու առումներով:

Հայաստանը նաեւ դիմագրաւում է դժւարութիւններ՝ իրեն սահմանակից պետութիւնների հետ, որոնցից միայն Իրանի Իսլ. Հանրապետութիւնն է, որը որպէս բարեկամ պետութիւն՝ բարդրացիական մօտեցմամբ է տրամադրւած, իսկ սահմանակից հարեւան երկու պետութիւնների՝ Թուրքիայի եւ Ադրբեջանի հետ ունի տարածքային պատմական վիճայարոյց խնդիրներ, որոնք էլ որպէս դիմագրաւելիք մարտահրաւէրներ՝ ծառանում են Հայաստանի պետականութեան առջեւ: Մենք՝ սփիւռքահայերս, մեզանից չտարանջատելով Հայաստանի հայութեանը, միանշանակօրէն դէմ չենք հայ-թուրքական սահմանի բացմանը եւ Ադրբեջանի հետ դրացիական յարաբերութիւններին, եթէ Թուրքիան ընդունի Հայոց Ցեղասպանութեան իրողութիւնը, իսկ Ադրբեջանը յարգի եւ ճանաչի Արցախի ինքնորոշման իրաւունքը: Սրանք մեզ համար կարեւոր ազգային գործօններ են, որոնց հետ պէտք է հաշւի նստեն մեր հարեւան երկու պետութիւնները:

Ելնելով այս համազգային մտահոգութիւններից՝ այս տարի կազմակերպել ենք «Հայ Դատն այսօր» իր ձեւի մէջ արդէն 7-րդ խորհրդաժողովը՝ արծարծելու վերը նշւած մտահոգութիւնները շօշափող հարցեր, որոնց հիմնակէտը այս անգամ «Հայ-թուրքական արձանագրութիւնները՝ վերջին իրադարձութիւնների լոյսի ներքոյ» թեման է: Այս տարի եւս խորհրդաժողովի առաջին օրը որպէս զեկուցաբերներ՝ հրաւիրել ենք պարսիկ քաղաքական փորձագէտ-մասնագէտների՝ ծանօթանալու հարցի վերաբերեալ նրանց դիտանկիւններին եւ նաեւ երկրի մասնագիտացւած քաղաքական կենտրոններից հրաւիրել ենք քաղաքագէտների՝ որպէս ունկնդիրներ:Նշեմ նաեւ, որ խորհրդաժողովի երկրորդ օրը զեկոյցներով հանդէս կը գան Հայաստանից ժամանած քաղաքական գործիչ-մասնագէտներ, որոնք առաջին անգամ են մասնակցելու մեր խորհրդաժողովին: Իսկ ինչպէս նախորդ խորհրդաժողովների մնայուն մասնակից՝ այս խորհրդաժողովին եւս ներկայ է լինելու ՀՅԴ Բիւրոյի Հայ Դատի գրասենեակի քաղաքական հարցերի պատասխանատու Կիրօ Մանոյեանը: Աւելացնեմ նաեւ, որ լոյս է տեսել նախորդ՝ 6-րդ խորհրդաժողովի զեկոյցների հաւաքածոյ-գրքոյկը, որը այս տարի իր մէջ ընդգրկել է նաեւ պարսիկ զեկուցաբերների յօդւածները: Հայ Դատի յանձնախումբը, նախաձեռնելով «Հայ Դատն այսօր» 7-րդ խորհրդաժողովը, նպատակ ունի այսպիսով հասարակութեան, յատկապէս իրանցի հասարակութեան լայն խաւերի ուշադրութիւնը սեւեռել հայկական հարցերին եւ դրանցից ակունք առնող նորօրեայ դիմագրաւելիք ազգային մարտահրաւէրներին:

Պատգամներ (2 posted):

Edo on 27 January, 2010 08:31:22

lav eli, varooje hooskn ela diratsel !!!
gartses varoojn el ahmadinejadi garavarootyan nakhgin khosnag Elhami nman oozooma amen inch bari ira lootsi dag.
yes arajargoom em ararat marzavani, sipan miyootyan, bolor azgayin dbrotsneri dnorinootyoonn el hantznen varoojin, inchoo menk nman garoghootyan der mart oonenk yev jisht chenk ogdvoom nra oojerits.
yes gartsoomem iranahayer sitn el bidi varoojin endri ira dnoren varich, vsdah elek aveli lav glini :)

sooren simonain on 27 January, 2010 04:06:37

EDO jan vesta eli lav,kelni,mahat ko anxiale nayi ,heto esenx mex mex khosa,es karki harxere ko gorxe chi ,vor paron varooji hetevix esanx khoses,doo et makardaki ches ...