Նալբանդյանն ընդունել է Պիտեր Սեմնեբիին:

Այսօր Հայաստանի արտգործնախարար Էդվարդ Նալբանդյանն ընդունել է Հարավային Կովկասում Եվրոպական Միության հատուկ ներկայացուցիչ Պիտեր Սեմնեբիին:

ԱԳՆ մամուլի և տեղեկատվության վարչության հաղորդմամբ` հանդիպման ընթացքում նախարար Նալբանդյանը և դեսպան Սեմնեբին քննարկել են Հայաստանի և Եվրոպական Միության համագործակցության տարբեր ոլորտներին վերաբերող հարցեր:

Զրույցի ընթացքում մտքեր են փոխանակվել հայ-թուրքական հարաբերությունների կարգավորման և արցախյան հիմնախնդրի հանգուցալուծման վերաբերյալ: