Քլինթոնը Նալբանդյանի հետ հանդիպմանը վերահաստատել է ԱՄՆ աջակցությունը հայ-թուրքական հարաբերությունների կարգավորմանը
ՏԱՌԱՉԱՓ:
Նախօրեին Լոնդոնում կայացել է Էդվարդ Նալբանդյանի և ԱՄՆ պետքարտուղար Հիլարի Քլինթոնի հանդիպումը: Այս մասին հայտնեցին Հայաստանի ԱԳՆ մամուլի և տեղեկատվ ության վարչությունից:
Հայաստանի և Միացյալ Նահանգների արտաքին քաղաքական գերատեսչությունների ղեկավարները գոհունակություն են հայտնել երկու երկրների միջև հաստատված բարեկամական գործընկերության, բարձր մակարդակի պարբերական շփումների առնչությամբ և պատրաստակամություն են հայտնել շարունակելու գործուն քայլերը փոխշահավետ համագործակցությունն առավել ամրապնդելու և խորացնելու ուղղությամբ:
ՀՀ և ԱՄՆ արտաքին քաղաքական գերատեսչությունների ղեկավարները անդրադարձել են հայ-թուրքական հարաբերությունների հաստատման ջանքերին: Հիլարի Քլինթոնը վերահաստատել է ԱՄՆ աջակցությունը Հայաստանի և Թուրքիայի միջև հարաբերությունների կարգավորման գործընթացին` ստորագրված արձանագրությունների շուտափույթ վավերացմանը և իրագործմանը:
Նախարար Նալբանդյանը նշել է, որ ՀՀ Սահմանադրական դատարանի որոշումը ՀՀ Սահմանադրությանը արձանագրությունների համապատասխանելիության մասին ևս մեկ ապացույց է, որ Հայաստանը հետամուտ է իր ստանձնած պարտավորությունների կատարմանը: Նա հավելել է, որ Հայաստանը նույն մոտեցումն ակնկալում է Թուրքիայից:
Զրուցակիցները քննարկել են նաև ղարաբաղյան հիմնախնդրի կարգավորման բանակցային գործընթացի վերջին զարգացումները: Էդվարդ Նալբանդյանը կարևորել է ԱՄՆ-ի` որպես ԵԱՀԿ Մինսկի խմբի համանախագահ երկրի դերակատարությունը և իր ամերիկյան գործընկերոջը ներկայացրել հունվարի 25-ին Հայաստանի և Ադրբեջանի Նախագահների հանդիպման արդյունքները:
Հայաստանի և ԱՄՆ արտաքին քաղաքական գերատեսչությունների ղեկավարները մտքեր են փոխանակել երկուստեք հետաքրքրություն ներկայացնող այլ հարցերի շուրջ:
Ուղարկել ընկերոջը
Տպելու տարբերակ
Plain textՔւէարկութիւն: Ազգային իշխանություն
Վստահում ե՞ք ազգային իշքանության
Գնահատէք այս թեման
Պատգամներ (0 posted):
Գրանցէք ձեր պատգամը