Իրան - Armenian Iranians News Portal - իրանահայեր: Իրանի անվտանգության ուժերը սպանել են «Jundullah» ահաբեկչական խմբի անդամներին

Իրանի անվտանգության ուժերը սպանել են
«Jundullah» ահաբեկչական խմբի անդամներին
================================================================================
armenpress.am on 22/02/2012 10:46:00

Իրանի անվտանգության ուժերը փետրվարի 22-ին
երկրի հարավարեւելյան հատվածի Սիսթան եւ
Բալուչիստան շրջանում սպանել են Պակիստանում
հիմնադրված «Jundullah» ահաբեկչական խմբի չորս
անդամների:

Չորս ահաբեկիչներն էլ սպանվել են Իրանի
իրավապահ մարմինների աշխատակիցների կողմից
իրականացվող անակնկալ գործողությունների
ժամանակ: Աշխատակիցներից մեկը նույնպես
զոհվել է: Ոստիկանական գործողությունները
հաջորդել են տեղական եւ ազգային
հետախուզական խմբերի կողմից իրականացվող մի
շարք հավաքներին եւ դետեկտիվ աշխատանքներին:
«Jundullah»-ի ահաբեկիչները բազմիցս
ռմբակոծություններ են իրականացրել Իրանում,
ներառյալ մի քանի գրոհներ Իրանի  Սիսթան եւ
Բալուչիստան  շրջանում, որը սահմանակից է
Աֆղանստանին եւ Պակիստանին:
2010 թ-ի դեկտեմբերին Իրանի Չաբահար քաղաքում
տեղի ունեցած գրոհի հետեւանքով զոհվել է 38
մարդ, 90-ը` վիրավորվել, այդ թվում` կանայք եւ
երեխաներ: