Իրան - Armenian Iranians News Portal - իրանահայեր: Իրանական իշխանությունները «շարունակում են խախտել իրենց քաղաքացիների իրավունքները»

Իրանական իշխանությունները «շարունակում են
խախտել իրենց քաղաքացիների իրավունքները»
================================================================================
tert.am on 24/02/2012 11:25:00

ԱՄՆ-ը քննադատել է իրանական դատարանի վճիռը,
որով մահվան է դատապարտվել քրիստոնեություն
ընդունած մի քաղաքացու:

Նա մեղադրվում էր հավատափոպության մեջ, ինչի
համար հարևան իսլամական հանրապետություն
ամենախիստ պատիժն է նախատեսված:
«Ամերիկայի ձայն»-ի փոխանցմամբ` Սպիտակ տան
հայտարարության մեջ նշվում է, որ Յուսեֆ
Նադարխանիի նկատմամբ որոշումն Իրանի
ստանձնած միջազգային պարտավորությունների,
սեփական օրենսդրության ու հայտարարված
կրոնական արժեքների հերթական «ցնցող
խախտումն» է: Իրանական Rahsa News կայքէջի
համաձայն` Նադարխանին կարող է «կախաղան
բարձրացվել ցանկացած պահի»:
Նադարխանին իսլամից հրաժարվել ու
քրիստոնեություն է ընդունել երիտասարդ
տարիքում: Նա Ռաշտ քաղաքի եկեղեցու հոգևոր
հովիվն էր: 2009 թ.-ին նրան ձերբակալել են
իսլամից հրաժարվելու մեղադրանքով, իսկ
նախորդ տարի նա դատապարտել է մահապատժի:
Սպիտակ տան հայտարարության մեջ նշվում է, որ
քրիստոնեություն ընդունած տղամարդու
նկատմամբ դատական գործընթացը և կայացված
դատավճիռը ցույց են տալիս, որ իրանական
իշխանությունները «շարունակում են խախտել
իրենց քաղաքացիների իրավունքները»:
ԱՄՆ-ն կոչ է անում միջազգային հանրությանը
հասնել Թեհրանի կողմից հոգևոր հովվի անհապաղ
ազատ արձակմանը: