Ելակետ | Համայնքի Լուրեր | Սրբազան Հայրը այցելել է Մշակոյթի եւ իսլամական հաղորդակցութեան կենտրոն

Սրբազան Հայրը այցելել է Մշակոյթի եւ իսլամական հաղորդակցութեան կենտրոն

Տառաչափ Decrease font Enlarge font

Յուլիսի 13-ի կէսօրին, թեմիս առաջնորդ Տ. Սեպուհ արք. Սարգսեանը ընկերակցութեամբ Թեմական խորհրդի ատենապետ՝ Ռուբիկ Կարապետեանի այցելեց Մշակոյթի եւ իսլամական հաղորդակցութեան կենտրոնի նախագահ դոկտ. Աբուզար Էբրահիմիին: Ընդունելութեանը ներկայ էին կենտրոնի փոխնախագահ Ղահրաման Սուլէյմանին, տկն. Ռաշիդբէյգին եւ իրենց օգնականները:

Առաջնորդ Սրբազան Հայրը իր ուրախութիւնը յայտնեց կենտրոնում լինելու առիթով յաւելելով, որ անցնող 26 տարիների ընթացքում միշտ սիրով եւ կարօտի յատուկ զգացումով է այցելել եւ այցելում այս կենտրոն: Իր հերթին կենտրոնի նախագահ դոկտ. Էբրահիմին ջերմօրէն ողջունեց Սրբազան Հօրը եւ նրա ընկերակցին ու կարեւորութեամբ շեշտեց այս այցելութեան կարեւորութիւնը: Այնուհետեւ խօսւեց առաջիկայ դեկտեմբերի կէսերին կենտրոնում տեղի ունենալիք Մեծի Տանն Կիլիկիոյ կաթողիկոսութեան եւ Մշակոյթի ու Միջազգային հաղորդակցութեան կենտրոնի միջեւ տեղի ունենալիք երկօրեայ համագումարի մասին ներկայութեամբ եւ մասնակցութեամբ Ն.Ս.Օ.Տ.Տ. Արամ Ա կաթողիկոսի եւ նրա ներկայացուցիչների:
Համագումարի թեմայի կապակցութեամբ խօսւեց տեւողութեան եւ գլխաւոր թեմայի մասին, որն է՝ «Կրօնք եւ բռնութիւն» (Religion and violence):
Հանդիպման ընթացքում խօսւեց նաեւ կենտրոնի եւ Կիլիկիոյ կաթողիկոսութեան սերտ յարաբերութեան եւ քրիստոնեայ-իսլամ երկխօսութեան բնագաւառում ունեցած համագործակցութեան մասին: Կազմակերպութեան տնօրէն՝ դոկտ. Էբրահիմին մեծապէս գնահատեց Վեհափառ Հայրապետի եւ առաջնորդ Սրբազան Հօր դերակատարութիւնը շրջանի եւ միջազգային միջեկեղեցական, միջկրօնական յարաբերութիւնների շրջագծում: Աւելի քան մէկ ժամ տեւող ընդունելութիւնը անցաւ շատ ջերմ եւ մտերմիկ մթնոլորտում:

Subscribe to comments feed Մեկնաբանություններ (0 posted):

total: | displaying:

Ձեր մեկնաբանությունը comment

  • Bold
  • Italic
  • Underline
  • Quote

Մուտքագրեք նկարում առկա նիշերը

  • email Ուղղարկել ընկերոջ
  • print Տպագրելու տարբերակ
  • Plain text Տեքստային տարբերակ
Պիտակներ:
Պիտակներ չկան
Գնահատական
0