Մեկնարկել «Թումանյանական շաբաթը»
Ըստ կազմակերպիչների սա ևս մեկ առիթ կլինի աշակերտների մոտ կարևորելու մայրենիի անաղարտության պահպանումը
Մեկնարկել է Հովհաննես Թումանյանի ծննդյան 140-ամյակին նվիրված «Թումանյանական շաբաթը», որը կազմակերպել են ՀՀ կրթության և գիտության նախարարությունը և ՀՀ գրողների միությունը: Նախատեսվող միջոցառումների շրջանակում Երևանի և հանրապետության մարզերի հանրակրթական ուսումնական հաստատություններում կկազմակերպվեն բաց դասեր, ներդպրոցական միջոցառումներ, ստեղծագործական մրցույթներ և վիկտորինաներ` նվիրված Հ. Թումանյանին:
Նախատեսվում է նաև փետրվարի 19-ը հայտարարել «Գիրք նվիրելու օր», որը հնարավորություն կտա ինչպես աշակերտների, այնպես էլ ազգաբնակչության շրջանում վերականգնել այդ բարի ավանդույթը: Արդեն պաշտոնապես ընդունված «Մայրենիի օրը»` փետրվարի 21-ը, այս տարի կնշվի «Թումանյանական շաբաթվա» շրջանակում: Ըստ կազմակերպիչների սա ևս մեկ առիթ կլինի աշակերտների մոտ կարևորելու մայրենիի անաղարտության պահպանումը:
Ուղարկել ընկերոջը
Տպելու տարբերակ
Plain text
Պատգամներ (0 posted):
Գրանցէք ձեր պատգամը