Ահաբեկչությունների շարք Հնդկաստանի Մումբաի քաղաքում

Ահաբեկիչները նաև պատանդ են վերցրել երկու հյուրանոցում իջևանածների

Հնդկաստանի Մումբաի քաղաքում նախօրեին ահաբեկչությունների շարք է գրանցվել: Հանցագործները կրակահերթի են ենթարկել մի քանի թանկարժեք հյուրանոցներ, որտեղ հիմնականում իջևանում են օտարերկրացիներ, կայարաններ, ռեստորաններ և հիվանդանոցներ: Պայթյունների և կրակահերթի արդյունքում մահացել է շուրջ 100 մարդ և 300-ը ստացել է մարմնական տարբեր վնասվածք:

Ահաբեկիչները նաև պատանդ են վերցրել երկու հյուրանոցում իջևանածների: Կատարվածի պատասխանատվությունն իր վրա է վերցրել «Դեկկան Մուդջահիդին» կազմակերպությունը: Ինչպես Lenta.ru-ն է փոխանցում, ենթադրվում է, որ ահաբեկչական նույն կազմակերպությունը այս տարվա մայիսին Ջայպուր քաղաքում տեղի ունեցած ահաբեկչական ակտի հեղինակն է: